How I Reversed Diabetes (in Urdu-Part -4) | خوراک غذا اور شوگر | Foods and Sugar Contents | Carbs Proteins Fats | What is Sugar Diabetes | Where glucose come from in blood

 ہماری غذا کے اہم اجزاء 

میں نے گذشہ بلاگ میں اپنی ڈائیٹ تفصیل سے بتائی تھی جس کی وجہ سے شوگر ریورس ہوئی ہے۔شوگر کے لیے جو ڈائیٹ ہے اس میں کیا حکمت ہوتی ہے کیا سائنس ہوتی ہے آگے آنے والے سارے بلاگ تقریباً اسی پر ہونگے۔ کیونکہ شوگر خوراک سے ہی شروع ہوتی ہے اور خوراک سے ہی ٹھیک ہوتی ہے اسکے علاوہ اور کوئی طریقہ کار نہیں ہے زندگی میں اس سے نجات کا۔

سب سے پہلے یہ سمجھنا ضروری ہے کہ شوگر ہے اصل میں کیا؟

خون میں جب گلوکوز کی مقدار ایک حد سے زیادہ ہو جاتی ہے تو اسے کہتے ہیں شوگر ہو گئی ہے۔ یعنی ڈائبیٹس۔ ذیابیطس۔ 

خون میں گلوز کی زیادتی بھی انتہائی نقضاندہ ہے جس سے مزید بیماریاں نکلتی ہیں اور کمی بھی انتہائی خطرے ناک اورجان لیوا ہوتی ہے جو منٹوں گھنٹوں میں انسان کو مار دیتی ہے۔

دوسرا یہ سمجھنا ضروری ہے کہ خون میں گلوکوز آتا کہاں سے ہے ؟

خون میں گلوکوز آتا ہے ہمارے کھانے پینے سے۔

یا پھر جگر سے لیکن یہ صرف بوقت ضرورت ہی ہوتا ہے۔ عام حالات میں نہیں۔اور اس سے خو ن میں شوگر لیول بھی زیادہ نہیں بڑھتا۔

لہذا سب سے ضروری ہے کہ ایسی غذاوں کا انتخاب کیا جائے جن سے خون میں گلوکوز کی سطح زیادہ بلند نہ ہو۔اور ایسی غذائیں ہوں جو آہستہ آہستہ گلوکوز میں تبدیل ہوں۔

دوسری بات جو سمجھنی ضروری ہے کہ جو گلوکوز خون میں شامل ہوجاتا ہے استعمال ہو جائے ۔ جمع نہ ہو جسم میں کہیں بھی۔

بس اسی حکمت اسی سائنس سمجھنے میں مجھے ذاتی طور پر کم از کم چار سال لگے۔اس کے علاوہ اور کوئی دوائی کوئی طریقہ نہیں ہے شوگر کے علاج کا۔اور نہ کوئی ڈاکٹر نہ حکیم اس کا علاج کر سکتا ہے کیونکہ کھانا پینا تو مریض نے ہی ہوتا ہے۔

کھانوں میں غذا کے تین اہم اجزاء ہیں 

کاربو ہائیڈریٹس (کاربز) ، پروٹین اور فیٹس

کاربو ہائیڈریٹس : ان کا بنیادی کام ہے جسم کو جلدازجلدگلوکوز مہیا کرنا۔کاربو ہائیڈریٹس کھانے کے بعدکاربو ہائیڈریٹس  جلدگلوکوز میں تبدیل ہوجاتے ہیں جس سے جسم اپنی 65% تک انرجی حاصل کرتا ہے ۔یہ پانی میں بالکل نہیں ہوتے ہیں اورسب سے زیادہ اجناس میں زیادہ ہوتے ہیں ۔یہ دو طرح کے ہو تے ہیں سمپل اور کمپلکس۔ 

سمپل کاربو ہائیڈریٹس  ۔ یہ توانائی حاصل کرنے کا تیز ترین ذریعہ ہیں ۔ یہ جلد ہضم ہو کر خون میں شامل ہو جاتے ۔ چینی اور شہد سمپل کاربز ہیں۔ مشروبات ،جوسس ،سافٹ ڈرنکس، انرجی ڈرنکس، آئس کریم ،کیک وغیرمیں سمپل کاربز ہی ہوتے ہیں اسکے علاوہ زیادہ میٹھے پھل جیسے انگور، آم، تربوز ، زیادہ پکے ہوئے کیلوں میں بھی ہوتے ہیں لیکن فائبر کی وجہ سے زیادہ نقضاندہ نہیں ہوتے جتنے پروسیسڈ فوڈز ہیں ۔

کمپلکس کاربو ہائیڈریٹس:     یہ آہستہ ہضم ہوتے ہیں اور دیر سے گلوکوز میں تبدیل ہوتے ہیں ۔ نشاستہ دار اجناس مثلاًگندم ،جو مکئی ،چاول ، آلو ، مٹر ، شکرقندی میں زیادہ ہوتے ہیں ۔ سبزیوں دالوں چنوں میں بھی کافی مقدار میں ہوتے ہیں۔ یہ کھانے کے آدھے گھنٹے کے بعد سے لیکر دو گھنٹوں کے دوران گلوز میں تبدیل ہو کر خون میں شامل ہو جاتے ہیں۔ اسی لیے کھانا کھانے کے دو گھنٹوں کے بعد شوگر کا لیول بلند ترین ہوتا ہے۔ زیادہ فائبر والی غذائیں زیادہ وقت لیتی ہیں گلوکوز میں تبدیل ہونے میں ۔ اسی لیے غذائی لحاظ سے میدے یا سفید فائن آٹے کے بجائے چکی کالال آٹا زیادہ اچھا ہوتا ہے جس میں چھلکے یعنی فائبرز بھی ہوتے ہیں ۔

نوٹ: ۔جسم کے لیے چینی بھی کاربو ہائیڈریٹس ہے اور گندم اور چاول بھی کاربو ہائیڈریٹس ہی ہیں جن سے جسم توانائی حاصل کرتا ہے ۔ انکا میٹھا یاپھیکاہو نا جسم کے لیے کوئی اہمیت نہیں رکھتا۔ذائقے کا تعلق صرف زبان کی حد تک ہی ہے۔ البتہ انکا سمپل یا کمپلکس ہوناجسم کے لیے اہمیت رکھتا ہے۔اسی لیے دنیا بھر کے ڈاکٹر شوگر کے مریضوں کو جہاں میٹھا یعنی چینی اور اس سے بنی ہوئی خوراک کو استعمال کر نے سے منع کرتے ہیں تو وہیں ساتھ ہی گندم اورچاول کے استعمال کو بھی کم کرنے کا کہتے ہیں۔ یہی وہ اہم ترین نقظہ ہے جو اگر شوگر کے مریض سمجھ جائیں تو شوگر کو بہت اچھی طرح سےہینڈل کر سکتے ہیں ۔

پروٹین :۔ یہ گوشت مرغی ، مچھلی، انڈے، دالیں،چنے، مٹر، لوبیا، خشک میوہ جات اور ڈیری مصنوعات میں زیادہ ہوتے ہیں ۔یہ ہضم ہونے میں چھ گھنٹے لیتے ہیں۔ ان کا بنیادی کام جسم بنانا ہوتاہے عضلات اور دیگر ٹشوز بنانا ان کی مرمت کرنا ،جلد، ناخن بنانا ۔ اسکے علاوہ اینزائمز بناتا ہے جن کے ذریع جسم کے تمام افعال کام کرتے ہیں کیونکہ تمام کیمیکل ری ایکشن اینزائمز کے ذریع ہوتے ہیں ۔ بہت سارے ہارمونز اوراینٹی باڈیز بناتاہے ۔اور ضرورت پڑنے پرجسم ان سے زیادہ سے زیادہ35% تک انرجی حاصل کرتا ہے ۔ پروٹین کھانے سے براہ راست شوگر لیول نہیں بڑھتا ہے البتہ بوقت ضرورت جگر اس سے گلوکوز بنا تا ہے۔

 فیٹس: ۔ زیادہ تر دودھ ،مکھن ،دہی، بیجوں،تیلوں سے حاصل ہوتے ہیں اور جسم کے لیے انرجی کا سب سے اچھا ذریعہ ہیں کیونکہ یہ انرجی کے لیے پہلے گلوکوز میں تبدیل نہیں ہوتے اس لیے ان سے خون میں شوگر نہیں بڑھتی ۔صرف بوقت ضرورت جگر اس سے گلوکوز بنا تا ہے۔جسم اپنی زیادہ سے زیادہ 35% تک اپنی انرجی ان سے حاصل کر سکتا ہے ۔ یہ ہضم ہونے میں آٹھ گھنٹے لیتے ہیں۔ یہ کو لیسٹر و ل بناتے ہیں جو اعضاء کی حفاظت اور خلیوں کی نشونما کرتے ہیں اور کچھ وٹامنز کے ہضم کر نے میں مددگار ہوتے ہیں۔ یہ کچھ اہم ہارمونز بھی بناتے ہیں ۔ زیادہ تر پروٹین اور فیٹس ایک ساتھ ہوتے ہیں غذاوں میں ۔مثلا ً دو دھ ۔خشک میوہ جات ۔ تیل۔ انڈے۔مچھلی میں۔



Comments

Post a Comment

Popular posts from this blog

How I Reversed Diabetes (in Urdu-Part -2) | Diet And Lifestyle Before Diabetic | Ziyabtas Se Pehle Ki Khurak Aur Tars Zandgi | ذیابیطس سے پہلے کی خوراک اور طرز زندگی

  ڈائبیٹس سے پہلے کی ڈائیٹ اور لائف سٹائل اس سے پہلے تفصیل سے لکھوں کہ شوگر کوکیسے ریورس کیا ضروری ہے بتانا کہ مجھے شوگر ہوئی کیوں تھی تاکہ آپ بھی اپنا تجزیہ کر سکیں کہ آپ بھی وہی کچھ تو نہیں کر رہے ہیں جو میں کر رہا تھا۔ بنیادی طور پر ڈائبیٹس کی وجہ ہے ہماراکھانا (ڈائیٹ) اور طرز زندگی( لائف سٹائل)۔ لہذا ان کے مطلق ہی میں اپنے بارے میں بتاتا ہوں۔ سب کی طرح بچپن سے ہی ناشتے میں چائے پراٹھے رہے۔ البتہ بعد میں انڈا بھی شامل ہو گیا تھا۔👈  لنچ آفس میں ہوتا تھا ۔90پرسنٹ بریانی ہی ہوتی تھی ۔ کبھی کھبار سالن چپاتی یا بسکٹ اور چائے۔ 👈   👈 ڈنر میں بھی زیادہ تر کوئٹہ ہوٹل والوں کے چائے پراٹھے ۔ یا کبھی کھبار فروٹ اُ ن میں بھی اکثر کیلے ہی ہوتے تھے اور موسمی پھل ۔ کبھی کھبار رات کو کھیرے بھی ہو تے تھے پیٹ کی جلن دور کرنے کے  لیے۔ 👈 چونکہ مجھے قبض تھی اس لیے رات سونے سے پہلے دودھ کے ایک گلاس میں دو چمچے اسپغول ضرور لیتا تھا بلا ناغہ۔ دن میں کم از کم چار کپ چائے ضرور ہوتی تھی ۔  👈  ہفتے میں چھ دن فل ٹائم جاب تھی اور اب بھی ہے لہذا اتوار کو فل ٹائم ریسٹ ہوتی تھی۔ 👈 ...
Read more

How I Reversed Diabetes (in Urdu-Part -1) | Min Ne Ziyabtas Ko Kise Reverse Kiya | میں نے شوگر کیسے ریورس کی

میں نے شوگر کیسے ریورس کی  ان بلاگز میں ، میں اپنے ذاتی تجربات شیئر کروں گا کہ میں نے اپنی شوگر کوکیسے ریورس کیا تاکہ میرے تجربات سے آپ بھی فائدہ اُٹھا ئیں۔ نہ صرف شوگر اور اس سے ہونے والی دیگر بیماریوں سے نجات پائیں بلکہ مالی بوجھ بھی کم ہو جو دوائیوں ڈاکٹروں ٹیسٹوں کی وجہ سے برداشت کرنے پر مجبور ہیں۔ درحقیقت یہ بلاگز میری زیر تالیف شوگر کے مطلق کتاب کا حصہ ہیں۔ ان میں کچھ بھی کہیں سے کاپی پیسٹ نہیں ہے اور نہ ہی کسی اے آئی ٹول سافٹ ویئر نے لکھا ہے اس لیے ان میں آپ کواردوعلم وادب کے حوالے سے کچھ خاص نہیں ملے گا بلکہ بہت ساری غلطیاں ملیں گی کیونکہ میرا علم و ادب سے دور کا بھی تعلق نہیں اور نہ ہی میڈیا پرسن ہوں ۔ آجکل جتنے بلاگز ہیں وہ یا توکاپی پیسٹ ہوتے ہیں یا ہائی پروفیشنلز بلاگرز کے ہوتے ہیں یا اداروں کے لہذا میرے بلاگز ان کی طرح اچھے نہیں ہونگے جس کے لیے معزرت خواہ ہوں۔اور نہ ہی حکیموں اور یوٹیوبرز والوں کی طرح چٹ پٹے دعوئے ہونگے جن کا حقیقت سے کوئی تعلق نہیں ہوتا۔ میں جو کچھ میں آپکو بتاوں گا تفصیل سے اردو میں انتہای آسان اور عام فہم زبان میں کسی نے بھی انٹرنیٹ پر اب تک نہیں بت...
Read more