شوگر کے مریضوں کے لیے افطار کی خاص دیسی ڈرنک | A Special Iftar Drink for Diabetes Patients
شوگر کے مریضوں کے لیے میجک ڈرنک افطار کے دوران زیادہ مقدار میں چینی والے مشروبات (روح افزا، جوس، کولڈ ڈرنکس) اور زیادہ کاربوہائیڈریٹس والی غذائیں (کھجور، میٹھے پکوان، سفید آٹا، چاول وغیرہ) فوری طور پر خون میں گلوکوز کی مقدار بڑھا دیتی ہیں۔ اسکے علاوہ روزے کےدوران پہلے سے ہی جگر بھی گلوکوز بنا رہا ہوتا ہے اور کچھ ضروری ہارمونل تبدیلیاں بھی ہو رہی ہوتیں ہیں جسکی وجہ سے روزے کے دوران بھی جسم کو گلوزضروری مقدار میں مل رہا ہوتا ہے تاکہ جسم کو ضروری انرجی ملتی رہے لہذا افطار کے بعد خون میں شوگر کا کافی زیادہ بڑھنا بالکل قدرتی عمل ہے۔ لیکن زیادہ گلوکوز کی وجہ سے اسپائک بھی آتی ہے جسکی وجہ سے شوگر کے مریضوں کی مشکلات بڑھ جاتیں ہیں جن کی تفصیل یہاں ممکن نہیں البتہ اپنے بلاگز میں پہلے ہی لکھ چکا ہوں وہاں سے پڑھ سکتے ہیں۔ اب میں اس کا حل بھی بتاتا ہوں جو میں خود بھی کر رہا ہوں۔ نہ صرف رمضان میں بلکہ سالوں سے کررہا ہوں ۔ صبح سویرے سحری کے بعد پانی گرم کر کے اس میں میتھی دانے(چھوٹے دانے والی) ایک چمچ اور دارچینی ایک بڑا ٹکرا ڈال کر چھوڑ دیں۔ اس میں زیرہ ،کلونجی، اجوائن اور دو لونگ بھی ڈال دیں ...